Fíggjarnevndin í hernað móti miðøkinum og javnaðarflokkinum?

Síðani løgtingsins fíggjarnevnd síðsta ár fór at “málsviðgera” sjálv, og gera nýggja fíggjarlóg við nógvum innbygdum – og almennum – rossahandlum, hevur henda nevnd ikki havt somu tign sum frammanundan. Nú fíggjarlógin fyri 2010 skal samtykkjast er nógv sum bendir á, at sama skilið verður aftur í ár. At síggja til er býtið á íløgunum annars rættiliga javnt býtt millum málsøkini hjá teimum trimum samgonguflokkunum: Orðaskiftið millum Anfinn Kallsberg, fíggjarnevndarformann og Jóannes Ejdesgaard, fíggjarmálaráðharra  í DV+( 6/10/09) vísti tó ikki á nakað serliga gott samgongustev. Tvørturímóti, so boðaði fíggjarnevndarformaðurin frá, at hann ætlaði at halda fram at utbyggja infrastrukturin, og hann ætlaði at fáa tunlarnar norður um Fjall inn aftur, […]

Tvær ítróttarhallir í Sandoynni?

Sambært kreppupakkanum hjá samgonguni, almannakunngjørdur tann 24. juli 2009 skal virkisskapandi tiltakið “ítróttarhøll á Sandoynni” vera eitt av teimum tiltøkum sum skal seta gongd á búskapin*). Men so seint sum 8. juni 2009 skrivar sandoyarportalurin at gongd framvegis er í verkætlanini hjá Eileri Jacobsen um at byggja depil í Skálavík sum m.a. fevnir bæði um svimjihyl og ítróttarhøll. Sagt verður í stubbanum á sandoyarportalinum, at myndugleikarnir eru strævnir at fáast við, men at tey vóna at finna eina loysn í málinum. Er loysnin at tað almenna skal byggja ítróttarhøll í Sandoynni í staðin fyri Eiler Jacobsen? Ella er tað so galið, at skopuningar og heimasandsfólk ikki vilja vita av megnar […]

Væntar Eyðgunn val?

Eyðgunn Samuelsen vil vera við, at tað er ein samfelags trupulleiki, at ónýttir fiskidagar ikki verða brúktir. Hon vísir á, at í bólkinum 1-4*) vórðu bert nýttir 67% av tillutaðu døgunum, og at hetta er uppaftur minni enn árið fyri, sí heimasíðuna hjá javnaðarflokkinum. Eyðgunn ynskir brúksskyldu, so hvør einasti fiskidagur verður brúktur. Hetta merkir so, at 33% av fiskidøgunum skulu takast frá summum av teimum, sum nú hava fiskirættindi og ístaðin latast øðrum. Ein spurningur, sum ikki verður settur er, hví so nógvir fiskidagar eru óbrúktir. Um tað loysti seg at fiska, mundu teir so ikki verið brúktir? – Ella sigur Eyðgunn, at summir loyvishavarar eru ódugnaligir? Orsøkirnar eg […]

Gjald tína útbúgving sjálv! Almennu Føroyar hava ikki ráð til slíkt fjas!

Í vetur svaraði Helena Dam á Neystabø munnligum fyrispurningum frá Kári á Rógvi og Sjúrða Skaale viðvíkjandi niðurlaðingini av Fróðskaparsetri Føroya. Helena ásannaði, at mistøk vóru hend, og at neyðugt fór at verða at koma við eykajáttan, fyri at minka um skaðan. Helena gjørdi tó vart við, at loysnin skuldi vera útreiðslu-neutral innan karmarnar á verandi fíggjarlóg. Hetta hendi 28. januar, og líka síðani tá havi eg undrast á, hvussu hetta skuldi skiljast. Nú varð uppskot til eykajáttanina so lagt fram, og harvið fekst at vita, hvat útreiðsluneutralt merkir. Í hesum føri, heimabúgvandi lesandi skulu gjalda fyri at varðveita Fróðskaparsetrið: Skotið er upp at hækka fleiri játtanir á útbúgvingarøkinum fyri […]

Fíggjarnevndin onga virðing fyri útbúgving

Úrslitið av, at fíggjarnevndin sjálv fór at málsviðgera, er so út av lagi vánaligt, at tað í sjálvum sær er prógv um, at hóskandi útbúgving er alneyðug, tá fíggjarlógin verður løgd til rættis. Vónandi hendir slíkt ikki aftur! Síðani fíggjarlógin varð samtykt, eru regluliga komnar undan kavi óvæntaðar avleiðingar av avgerðunum hjá fíggjarnevndini. Higartil hevur tað serliga verið innan økini hjá mentamálaráðnum og almannamálaráðnum, at gjørt hevur verið vart við avleiðingarnar, men helst fer okkurt afturat at koma undan kavi. Spurningurin er so, hvørt hesi ráð eru verri rikin enn hini ráðini, ella tey hava lægri tign í politisku skipanini. – Ella er tað so illa vorðið, at orsøkin er, […]

Granskingin dumpað?

Fyri rúmari tíð síðani kunngjørdi fráfarni aðalstjórin í mentamálaráðnum Peter Petersen, at avtalan um at Føroyar kundu luttaka í 7. rammuavtaluni innan gransking hjá ES var komin undir land. Hetta vísti seg tíverri ikki at vera rætt. Síðani tá hevur fyrrverandi landsstýrismaðurin í mentamálum Jógvan á Lakjuni havt spurningin frammi á politiskum støði, og politisk semja tykist vera um, at Føroyar skulu luttaka, har er tó eitt stórt men, og tað snýr seg um gjaldið. Grundarlagið undir rammuavtaluni er, at øll londini gjalda sín part, og síðani søkja øll londini á jøvnum føti, og tey við teimum bestu verkætlanunum fáa so verkætlanarpengar. Hava føroyingar góðar granskarar og góðar umstøður, so […]

Eidesgaard og kaos

“Je má fara eftir Kristiani og drekka hann skít” … í amboðskassanum hjá Høgna Hoydal undir valstríðnum var eisini eitt kúbein… “hvat ****** skal Gerhard gera har” Og so ein frálík mynd av Hendriki Old sum skriðar sær upp ímóti einum hurðastólpa meðan hann ikki veit hvat gerast skal. Hetta vóru bert nøkur av gullkornunum úr dokumentarfilminum “Fimm dagar fyri valdið” sum var á skránni í gjárkvøldið, og tað var við ikki sørt av spenningi at vit fóru niðan í Norðurlandahúsið at hyggja. Sera frammarlaga í mínum huga var hvørt framleiðararnir høvdu megnað at gjørt eina óvilduga presentation av báðum høvuðkambunum. Dugi ikki ordiliga at meta um hvørt tað var […]

Javnrættindi og kvalifikatiónir

Sambært Portalinum siga formenninir hjá Sambandsflokkinum og Fólkaflokkinum báðir at flokkarnir ikki velja landsstýrisfólk eftir kyni, men at tað skulu vera tey best egnaðu fólkini við teimum bestu kvalifikatiónunum. Man henda fortreytin eisini vera galdandi um tað vísir seg, at best hóskandi fólkið ikki hevur rætta politiska litin, ella møguliga er litleyst? Eg ivist!

Skulu tey til gongu í Havn nú gjalda fyri dollar-grinini av bygd?

“Fíggingin av øllum samferðslukervinum í Føroyum skal endurskoðast og gandaorðið er samhaldsfesti, solidaritetur” (tikið av heimasíðuni hjá útvarpinum). Hví haldi eg at hetta ljóðar sum at “vit í Havn” skulu gjalda fyri tey á bygd, og at “tey uttan bil” skulu gjalda fyri tey við bili – fyri ikki um at tala tey við fleiri bilum? Minnist tá eg kom til Onglands hvussu bilsin eg varð, at bensinið og dieselið vóru so dýr, í 2002 kostaðu tey uml. 10 kr. liturin, og nú í summar kostaðu tey einar 13 kr. Orsøkin var at vegskattur er íroknaður bensin- og dieselprísin. Hetta haldi eg faktist er ein genial skipan, tí so gjalda […]

Kundin hevur altíð rætt – ella eru føroysk undantøk?

Í seinastuni hevur rættiliga nógv verið frammi um at føroyingar ikki longer sleppa at útflyta fisk til Russlands, og sagt verður at trupulleikin er at partarnir eru ikki samdir um treytirnar. Sambært Heilsufrøðiligu Starvsstovuni halda føroyingar summi av krøvunum frá russum vera órímilig, og brúka tað argument at føroyingar lúka øll krøv sum EU setur. Á heimasíðuni hjá Heilsufrøðiligu Starvsstovu verður m.a. sagt: “25. juli 2008.
 Eisini senda vit skriv til russisku myndugleikarnar umvegis donsku amabssaduna í Moskva, tann 25. juli 2008, har vit greiða teimum frá hvat ið vit hava gjørt síðani vit móttóku russisku frágreiðingina, og eisini verður lagt upp til, at fáa viðgjørt viðurskifti, sum ikki eru […]